पाटनको कृष्ण मन्दिर संरक्षणमा अमेरिकी राजदूत कोषको एक करोड ६९ लाख सहयोग
<p>ललितपुर। १२ बैशाख २०७२ को भुकम्पले क्षति पुर्‍याएको पाटनको कृष्ण मन्दिरको सांस्कृतिक संरक्षण गर्न अमेरिकी राजदूत कोषले सहयोग गर्ने भएको छ।</p>
<p>१५ कात्तिकमा अमेरिकी राजदुत र्‍याण्डी बेरीले ट्वीटरमा भिडिओ पोस्ट गर्दै अठारौं शताब्दीमा बनेको पाटनको कृष्ण मन्दिर संरक्षण र सुदृढ गर्न एक लाख ५० हजार युएस डलर (एक करोड ६९ लाख रूपैयाँ ) सहयोग गर्ने बताएका छन्।</p>
<p>'नेपालमा रहेका विभिन्न सांस्कृतिक सम्पदाहरु संसारभरका पर्यटकहरुको लागि आकर्षण बन्दै आएको छ,' उनले भनेका छन्, 'हाम्रो लागि सांस्कृतिक सम्पदा संरक्षण महत्वपूर्ण हुनुमा नेपाली जनतामा आफ्नो इतिहास र संस्कृति कति प्यारो छ भन्ने हामीले राम्ररी बुझेका छौँ।'</p>
<p>दूतावासले काठमाडौं उपत्यकाको संरक्षण कोष र स्थानीय निकायसँग समन्वय गरेर कृष्ण मन्दिरको संरक्षण र सुदृढमा सो रकम खर्च गर्नेछ। </p>
<p>दुई दशकमा अमेरिकी दुतावासले २४ वटा सम्पदाहरुको पुनर्निर्माण र संरक्षणका लागि साढे तीस लाख अमेरिकी डलर सहयोग गरेको छ।</p>
<p>यसअघि कागेश्वर, गद्दी बैठक, पाटनको चार नारायण मन्दिर, भण्डारखाल कुण्ड, झोङस्थित गुम्बामा सहयोग गरिसकेको छ।</p>
<p>सांस्कृतिक सम्पदा संरक्षण र संबर्द्धनका यस्ता परियोजनाहरु आपसी मित्रताको उदाहरण भएको राजदूत बेरीको भनाइ छ।</p>
प्रतिक्रिया दिनुहोस्
.jpg)
