बालुवाटारमा मन्त्रिपरिषद् बैठक जारी, नेकपा सचिवालय बैठक पनि आजै बस्ने
<p>काठमाडौं। प्रधानमन्त्री निवास बालुवाटारमा मन्त्रिपरिषद् बैठक बसिरहेको छ।</p>
<p>प्रधानमन्त्री ओली अघिल्लो हप्ता असंलग्न राष्ट्रको १८औँ शिखर सम्मेलनमा सहभागि हुन अजरबैजान गएकाले मन्त्रिपरिषद्को बैठक बस्न सकेको थिएन। </p>
<p>बैठकमा केही विकास निर्माण आयोजना, रोकिएका कामको निर्णय गरिने महिला बालबालिका मन्त्री थममाया थापाले बताइन्। "अस्ति बिहीबार बैठक नभएकाले यो नियमित बैठक नै हो," मन्त्री थापाले <em>देखापढी</em>सँग भनिन्। </p>
<p>बैठकमा प्रधानमन्त्रीले आफ्नो स्वास्थ्य अवस्थाको बारेमा पनि मन्त्रीहरुलाई जानकारी गराउने प्रधानमन्त्री निकट स्रोतले बताएको छ। </p>
<p>मन्त्रिपरिषद् बैठकपछि नेकपाको सचिवालय बैठक बस्‍नेछ। </p>
<p>आउँदो १४ मंसीरमा हुने उपनिर्वाचनको लागि नेकपाको तर्फबाट उम्मेदवारहरुको टुंगो लगाउने सचिवालय बैठकको कार्यसूचीमा छ।</p>
प्रतिक्रिया दिनुहोस्
.jpg)
