प्रधानमन्त्रीको स्वास्थ्य जाँचपछि मन्त्रिपरिषद्को बैठक
<p>काठमाडौं । प्रधानमन्त्री केपी शर्मा ओलीले स्वास्थ्य जाँचपछि बालुवाटारमा जारी मन्त्रिपरिषद् बैठकको अध्यक्षता गरिरहेका छन्। </p>
<p>मन्त्रिपरिषद् बैठक शुरू हुनुअघि प्रधानमन्त्री ओलीले महाराजगञ्जस्थित मनमोहन कार्डिओथोरिक भास्कुलर तथा ट्रान्सप्लान्ट सेन्टरमा स्वास्थ्य जाँच गराएका थिए। </p>
<p>प्रधानमन्त्री ओलीले यसअघि १३–१४ कात्तिकमा धापासीस्थित ग्रान्डी इन्टरनेशनल हस्पिटलमा भर्ना भई मिर्गाैला डायलासिस गराएका थिए।</p>
<p>त्यसपछि फेरी प्रधानमन्त्रीको डायलासिस हुने बताइए पनि उनी आजै ग्रान्डी जाने–नजाने टुंगो लागिसकेको छैन। </p>
<p>प्रधानमन्त्रीका प्रेस सल्लाहकार डा. कुन्दन अर्यालले आज प्रधानमन्त्री डायलायसिसका लागि ग्रान्डी अस्पताल जाने सम्भावना कम भएको बताए।</p>
<p>डा. अर्यालले <em>देखापढी</em>सँग भने, “डायलासिसका लागि करीब चार घण्टा समय लाग्छ, आज प्रधानमन्त्रीलाई त्यति समय निकाल्न गाह्रो छ।” </p>
<p><strong>पढ्नुहोस्:</strong></p>
<p><a href="https://dekhapadhi.com/news/1716" target="_blank">बालुवाटारमा मन्त्रिपरिषद् बैठक जारी, नेकपा सचिवालय बैठक पनि आजै बस्‍ने</a></p>
<p><br />
</p>
प्रतिक्रिया दिनुहोस्
.jpg)
