सरकार नै तिर्दैन गुठीलाई बहाल रकम
<p>काठमाडौं। सरकारले गुठी संस्थानको जग्गा भोगचलन गरेबापत‍‍्को बहाल रकम तिरेको छैन।</p>
<p>५६ औं वार्षिकोत्सवका अवसरमा गुठी संस्थानले सार्वजनिक गरेको प्रतिवेदनमा सरकार र अन्य संघसंस्थाहरूसँग अर्बौं रकम असुली गर्न बाँकी रहेको उल्लेख छ।</p>
<p>प्रतिवेदनअनुसार सरकारले आफ्नो कार्यालय र अन्य संघ, संस्थाका लागि जनकपुरमा मात्रै गुठीको १७० बिघाभन्दा बढी उपयोग गरेको छ।</p>
<p>संस्थानका प्रशासक नारायण चौधरीले १६ अर्ब ७२ करोड २५ लाख रुपैयाँ असुली गर्न बाँकी रहेको बताए।</p>
<p>उनले सो रकम असुलीका लागि सरकारलाई पत्राचार गर्ने निर्णय गरिएको पनि जानकारी दिए।</p>
<p>सरकारसँग अर्बाैं रकम असुली हुन नसक्दा गुठी संस्थान सञ्चालनमा समेत खर्च अभाव हुने अवस्था आएको प्रतिवेदनमा जनाइएको छ।</p>
<p><strong>जग्गाको तथ्यांक चुस्तदुरुस्त राख्न मन्त्री अर्यालको निर्देशन</strong></p>
<p>भूमि व्यवस्था, सहकारी तथा गरिबी निवारणमन्त्री पद्मा अर्यालले सबै जग्गाको तथ्यांक चुस्तदुरुस्त राख्न गुठी संस्थानलाई निर्देशन दिएकी छन्।</p>
<p>उनले जनताको सबैभन्दा ठूलो सम्पत्तिको रूपमा रहेको जग्गाको रेकर्डसमेत राख्न नसकेको भन्दै गुठी संस्थान नेतृत्वको चर्को आलोचना पनि गरिन्।</p>
<p>मन्त्री अर्यालले गुठीको जग्गामाथि चलखेल हुने गरेकाले त्यसको सत्यतथ्य बाहिर ल्याउन पनि संस्थान नेतृत्वलाई सचेत गराइन्।</p>
प्रतिक्रिया दिनुहोस्
.jpg)
