" />
सिन्धुपाल्चोक बस दुर्घटनाका मृतक १७ जनाको सनाखत, २ जना अझै वेपत्ता
<p>काठमाडौं। हिजो सिन्धुपाल्चोकको सुकुटेमा भएको बस दुर्घटनामा मृत्यु भएका १७ जनाको सनाखत भएको छ।</p>
<p>जिल्ला प्रशासन कार्यालय, सिन्धुपाल्चोकका सहायक प्रमुख जिल्ला अधिकारी भीमकान्त शर्माका अनुसार दुर्घटनामा मृत्यु हुनेमा ४ जना बालक, ३ जना बालिका, ९ महिला र १ जना पुरुष छन्।</p>
<p>मृतकमध्ये ११ जना दोलखा शैलुङ्गेश्वरी गाउँपालिकाका वासिन्दा छन्।</p>
<p>सिन्धुपाल्चोककी प्रमुख जिल्ला अधिकारी गोमादेवी चेम्जोङले दुई जना यात्रु अझै नदीमा हराइरहेको र खोजी भइरहेको <em>देखापढी</em>लाई बताइन्। </p>
<p>दोलखाबाट काठमाडौंका लागि छुटेको शैलुंगेश्वर यातायातको बा २ ख ७२४५ नम्बरको बस सिन्धुपाल्चोकको चौतारा साँगाचोकगढी नगरपालिका–९, सुकुटेमा हिजो दिउँसो दुर्घटना भएर सुनकोशी नदीमा खसेको थियो।</p>
<p>दुर्घटनामा घाइते २१ जना यात्रुहरुको काभ्रेको धुलिखेल, काठमाडौंको नर्भिक, अन्नपूर्ण न्यूरो अस्पतालमा उपचार भइरहेको छ।</p>
<p>सीडीओ चेम्जोङ्गले बस दुर्घटनाको कारण अहिलेसम्म नखुलेको बताएकी छन्। </p>
<p><strong>मृतकहरुको नामावली:</strong></p>
<p><img alt="" height="586" src="https://www.dekhapadhi.com/storage/photos/shares/name list a.jpg" width="700" /><br />
<img alt="" height="472" src="https://www.dekhapadhi.com/storage/photos/shares/namelist b.jpg" width="700" /></p>
प्रतिक्रिया दिनुहोस्
.jpg)
