सिन्धुपाल्चोक बस दुर्घटनामा परेकाको थप १ शव भेटियो, मृतक संख्या १८ पुग्यो
<p>काठमाडौं। सिन्धुपाल्चोकमा १७ कात्तिकमा भएको बस दुर्घटनाका मृतकमध्ये थप १ जनाको शव फेला परेको छ।</p>
<p>योसँगै दुर्घटनामा परेकाको मृतक संख्या १८ जना पुगेको छ। </p>
<p>सिन्धुपाल्चोकका सहायक प्रमुख जिल्ला अधिकारी भीमकान्त शर्माका अनुसार केहिबेरअघि सुकुटे पारी सुनकोशी किनारमा उदयपुरका २३ वर्षीय विजय तामाङ्गको शव फेला परेको छ। </p>
<p>हराइरहेकी ५ वर्षकी बालिकाको खोजी भइरहेको शर्माले बताए। </p>
<p>योसँगै दुर्घटनामा मृत्यु हुनेमा ४ जना बालक, ३ जना बालिका, ९ महिला र २ पुरुष छन्।</p>
<p>दोलखाबाट काठमाडौंका लागि छुटेको शैलुंगेश्वर यातायातको बा २ ख ७२४५ नम्बरको बस सिन्धुपाल्चोकको चौतारा साँगाचोकगढी नगरपालिका–९, सुकुटेमा १७ कात्तिक दिउँसो दुर्घटना भएर सुनकोशी नदीमा खसेको थियो।</p>
<p>दुर्घटनामा घाइते २१ जना यात्रुहरुको काभ्रेको धुलिखेल, काठमाडौंको नर्भिक, अन्नपूर्ण न्यूरो अस्पतालमा उपचार भइरहेको छ।</p>
<p><strong>पढ्नुहोस्:</strong></p>
<p><a href="https://dekhapadhi.com/news/1763" target="_blank">सिन्धुपाल्चोक बस दुर्घटनाका मृतक १७ जनाको सनाखत, २ जना अझै वेपत्ता</a><br />
</p>
प्रतिक्रिया दिनुहोस्
.jpg)
