एमसीसीमाथि नेपालको पाँच विकेटको जित (भिडिओसहित)
<p>काठमाडाैं। नेपाली राष्ट्रिय क्रिकेट टोलीले बेलायतको मेरिलेबोन क्रिकेट क्लब (एमसीसी) माथि पाँच विकेटको जित हात पारेको छ।</p>
<p>नेपाल भ्रमणमा आएको एमसीसीसँग आज त्रिवि क्रिकेट मैदानमा भएको एकदिवसीय खेलमा नेपालले सहज जित हात पारेको हो।</p>
<p>एमसीसीले दिएको २०२ रनको लक्ष्य नेपालले पाँच विकेटको क्षतिमा ३७.३ ओभरमा पूरा गर्‍यो।</p>
<p>नेपालको जितमा विनोद भण्डारीले अविजित ५२ रन बनाए। त्यसैगरी पवन सर्राफले पनि अविजित ३८ रन बनाए।</p>
<p>टस जितेर ब्याटिङ् रोजेको एमसीसीले ३९.२ ओभरमा सबै विकेट गुमाएर २०१ रन जोडेको थियो।</p>
<p>एमसीसीका लागि विली रोड्सले सर्वाधिक ५४ रनको पारी खेल्दा विली गोडलमेनले ५२ रन बनाए।</p>
<p>एमसीसीका ब्याट्सम्यानहरुलाई पेवेलियन फर्काउन नेपालका लागि ललित राजवंशी र पवन सर्राफ नायक सावित भए।</p>
<p>दुवैले ४–४ विकेट लिए।</p>
<p>त्यस्तै अविनाश बोहरा र करण केसीले १–१ विकेट लिएका थिए।</p>
<p><iframe frameborder="0" height="315" scrolling="no" src="https://www.youtube.com/embed/dxh1e_P-EYU" width="560"></iframe></p>
प्रतिक्रिया दिनुहोस्
.jpg)
