आलमविरूद्ध जन्मकैदको सजाय मागदाबी गर्दै मुद्दा दायर
<p>रौतहट। १२ वर्ष पहिलेको सामूहिक हत्याकाण्डमा पूर्वमन्त्री मोहम्मद अफताव आलमसहित ११ जनाविरुद्ध आज रौतहट जिल्ला अदालतमा मुद्दा दायर गरिएको छ।</p>
<p>उनीहरूविरूद्ध कर्तव्य ज्यान, विष्फोटक पदार्थ भण्डारण र प्रयोग तथा ज्यान मार्ने उद्योगमा छुट्टाछुट्टै अभियोग पत्र दायर गरिएको जिल्ला सरकारी वकीलको कार्यालयका सूचना अधिकृत रामप्रसाद पन्थीले जनाएका छन्।</p>
<p>कर्तव्य ज्यान मुद्दामा जन्मकैद, ज्यान मार्ने उद्योगमा १० वर्षसम्म कैद र एक लाख रूपैयाँसम्म जरिवाना तथा विष्फोटक पदार्थ भण्डारण र प्रयोगमा दुई वर्षसम्म कैद र दुई हजार रूपैयाँसम्म जरिवाना माग गरिएको उनले <em>देखापढी</em>लाई बताए ।</p>
<p>१९ कात्तिकमा आलमको रौतहट जिल्ला अदालतमा बयान शुरू हुनेछ।</p>
<p>उनको बयान सकिएपछि थुनछेक बहस हुने सूचना अधिकारी पन्थीले बताए।</p>
<p>प्रहरीले अनुसन्धान सकेर प्रतिवेदन बुझाएपछि जिल्ला सरकारी वकीलको कार्यालयले उनीहरूविरूद्ध मुद्दा दायर गरेको हो।</p>
<p>अफतावमाथि २२ जना व्यक्तिहरूलाई इँटाभट्टामा हालेर जिउँदै जलाएको आरोप लागेको छ।</p>
<p>२०६४ को संविधासभा निर्वाचनका बेला बम बनाउँदै गरेको स्थानमा विस्फोट भएपछि घटना ढाकछोप गर्न घाइते भएकाहरूलाई जलाएर मारेको आरोपमा आलमलाई प्रहरीले २६ असोजमा पक्राउ गरेको थियो।</p>
<p>सरकारी वकीलको कार्यालयले अभियुक्त बनाएका ११ जनामध्ये अफताव मात्रै पक्राउ परेका छन्। बाँकी १० जना फरार छन्।</p>
<p><strong>पढ्नुहाेस्ः</strong></p>
<p><strong><a href="https://dekhapadhi.com/news/1769" target="_blank">रौतहट हत्याकाण्डमा ११ जनाविरूद्ध मुद्दा दर्ता हुँदै, आलमका भाइसहित १० जना अझै फरार </a></strong></p>
<p><strong><a href="https://dekhapadhi.com/news/1661" target="_blank">पूर्वमन्त्री आलमलाई जन्मकैद सजाय माग दाबी </a></strong></p>
<p><strong><a href="https://dekhapadhi.com/news/1408" target="_blank">रौतहट हत्याकाण्ड हुँदा त्यहाँ कार्यरत प्रहरी निरीक्षकहरूलाई सोधपुछका लागि बोलाइयो </a></strong></p>
<p><strong><a href="https://dekhapadhi.com/news/1405" target="_blank">रौतहट हत्याकाण्डका आरोपी आलमलाई थप ८ दिन थुनामा राखिने </a></strong></p>
<p><strong><a href="https://dekhapadhi.com/news/1273" target="_blank">रौतहट हत्याकाण्डका आरोपी आलमले के भने चार घण्टा लामो बयानमा ? (सवाल-जवाफसहित)</a></strong></p>
<p><strong><a href="https://dekhapadhi.com/news/1217" target="_blank">पूर्वमन्त्री आलमलाई म्याद थपका लागि अदालत पुर्‍याइयो </a></strong></p>
<p><strong><a href="http://https://dekhapadhi.com/news/1223">पूर्वमन्त्री आलमलाई थुनामा राख्‍न ५ दिन म्याद थप </a></strong></p>
<p><strong><a href="https://dekhapadhi.com/news/1039" target="_blank">पूर्वमन्त्री आलमलाई ७ दिन हिरासतमा राख्न अदालतको अनुमति </a></strong></p>
<p><strong><a href="https://dekhapadhi.com/news/1005" target="_blank">संसदले जारी गर्‍यो कांग्रेस सांसद आलम निलम्बनको सूचना</a></strong></p>
<p><strong><a href="https://dekhapadhi.com/news/968" target="_blank">सामूहिक हत्या आरोपको १२ वर्षपछि पक्राउ परे कांग्रेस सांसद आलम</a></strong></p>
<p> </p>
प्रतिक्रिया दिनुहोस्
.jpg)
