स्याङ्जामा कीर्ते नागरिकता बनाइदिएकाे आराेपमा वृद्ध पक्राउ
<p>स्याङ्जा। झुठो विवरण पेश गरी कीर्ते नागरिकता बनाइदिएको आराेपमा प्रहरीले एक वृद्धलाई पक्राउ गरेको छ।</p>
<p>पक्राउ पर्नेमा स्याङ्जाको आँधीखोला गाउँपालिका–४ का ७६ वर्षीय सर्वजीत सुनार रहेको जिल्ला प्रहरी कार्यालय स्याङ्जाका प्रवक्ता नवीनकृष्ण भण्डारीले बताए।</p>
<p>प्रहरीका अनुसार सुनारले २०६० माघ २० गते जिल्ला प्रशासन कार्यालय स्याङ्जाबाट कास्की पोखरा महानगरपालिका– ३० का डिलबहादुर श्रेष्ठको ३३ वर्षीय छोरा शङ्कर श्रेष्ठलाई आफ्नै छोरा हो भनी झुठो विवरण पेश गरी नागरिकता बनाइदिएका थिए।</p>
<p>झुठो विवरण दिएर नागरिकता बनाइदिएको खुल्न आएपछि प्रहरीले ‘नागरिकतासम्बन्धी कसूर’ मुद्दा दर्ता गरी प्रतिवादी सुनारलाई पक्राउ गरेर स्याङ्जा जिल्ला अदालतबाट म्याद थप गरी अनुसन्धान थालिएको प्रवक्ता भण्डारीले बताए। <em>रासस</em></p>
प्रतिक्रिया दिनुहोस्
.jpg)
