मेडिकल कलेजलाई कारबाही गर्न गृहलाई पत्राचार
<p>काठमाडौं। शिक्षा विज्ञान तथा प्रविधि मन्त्रालयले बढी शुल्क लिने मेडिकल कलेजलाई कारबाही गर्न गृह मन्त्रालयलाई पत्राचार गरेको छ।</p>
<p>निजी कलेजले निर्देशनअनुसार शुल्क फिर्ता नगरेपछि कारबाहीका लागि पत्राचार गरिएको शिक्षामन्त्री गिरिराजमणि पोखरेलको सचिवालयले जनाएको छ।</p>
<p>‘मेडिकल शिक्षा अध्ययन गरिरहेका विद्यार्थीबाट सरकारले तोकेभन्दाा बढी शुल्क लिएका कलेजलाई कानूनबमोजिम आवश्यक कारबाही गर्न अनुरोध।’ पत्रमा भनिएको छ। </p>
<p>मन्त्रिपरिषद्ले असोज २०७५ मा शुल्क बढी लिए विद्यार्थी तथा अभिभावकले सम्बन्धित जिल्ला प्रशासन कार्यालयमा उजुरी दिन सक्ने निर्णय गरेको थियो ।</p>
<p>उजुरी अध्ययन गरेर प्रशासनलाई कलेजविरुद्ध ठगी मुद्दा चलाउन निर्देशन दिइएको थियो।</p>
<p>एक महीनाअघि गृहमन्त्री रामबहादुर थापा र शिक्षामन्त्री पोखरेलको उपस्थितिमा दुई मन्त्रालयका पदाधिकारी बैठकले निजी मेडिकल कलेजलाई एक महीनाभित्र शुल्क फिर्ता वा समायोजन गर्न निर्देशन दिएको थियो। </p>
<p>कलेजहरुले निर्देशन अवज्ञा गर्दै उल्टै आगामी शैक्षिक सत्रमा भर्ना रोक्ने चेतावनी दिँदै आएका छन्।</p>
<p>पोखराको गण्डकी मेडिकल कलेजका १० जना सञ्चालकविरुद्ध ठगी आरोपमा मुद्दा चलिरहेको छ।</p>
<p>विद्यार्थी आन्दोलित बनेका चितवन, भैरहवाको यूनिभर्सल र वीरगंजको नेसनल मेडिकल कलेजविरुद्ध विद्यार्थीले उजुरी दिँदासमेत कारबाही प्रक्रिया अघि नबढेको आजको कान्तिपुर दैनिकमा समाचार छ। </p>
प्रतिक्रिया दिनुहोस्
.jpg)
