बंगलादेशमा हुने एभिसी सेन्ट्रल जोनका लागि नेपाली टोली घोषणा, ६ नयाँ खेलाडी
<p>काठमाडौं। बंगादेशमा आयोजना हुने प्रथम एभिसी सिनियर महिला भलिबल च्याम्पियनसिप २०१९ को लागि नेपाली महिला टोली घोषणा भएको छ।</p>
<p>नेपाल भलिबल संघ एनभीएले आज अरुणा शाहीको कप्तानीमा १२ सदस्यीय टोली घोषणा गरेको हो।</p>
<p>अरुणा शाहीको कप्तानीमा रहने टोलीमा प्रतिभा माली, सरस्वती चौधरी, निरुता ठगुन्ना, जानकी भण्डारी, सोफिया पुन, उषा कुमारी विष्ट, सुनिता खड्का, कमला पुन, रेश्मा भण्डारी, पुनम चन्द र सलिना श्रेष्ठ छन्।</p>
<p>थाइल्याण्डमा गरेको प्रशिक्षण र मैत्रीपूर्ण खेलमा गरेको प्रदर्शनको आधारमा टोली छनोट गरिएको हो।</p>
<p>कप्तान शरुणासहित प्रतिभा, सरस्वती, रेश्मा, कमला र उषा यसअघि नै राष्ट्रिय टोलीबाट खेलिसकेका खेलाडी हुन्। बाँकी ६ जना भने पहिलो पटक राष्ट्रिय टोलीमा परेका हुन्।</p>
<p>पहिलो पटक महिला भलिबलको सेन्ट्रल जोन आयोजना हुन लागेको हो। जुन २२ देखि २७ कात्तिकसम्म आयोजना हुनेछ। </p>
<p>थाइल्याण्डमा करीब तीन साताको वैदेशिक प्रशिक्षणपछि १८ असोजमा नेपाली महिला टोली स्वदेश फर्किएको हो। </p>
<p>आगामी मंसीरमा नेपालमै आयोजना हुन गइरहेको १३औं दक्षिण एशियाली खेलकुद (साग)लाई सेन्ट्रल जोनको सहभागिताले सहयोग पुग्ने संघले जनाएको छ।</p>
<p><strong>यस्तो छ टाेली :</strong></p>
<p>अरुणा शाही (कप्तान)<br />
प्रतिभा माली<br />
सरस्वती चौधरी<br />
निरुता ठगुन्ना<br />
जानकी भण्डारी<br />
सोफिया पुन<br />
उषा कुमारी विष्ट<br />
सुनिता खड्का<br />
कमला पुन<br />
रेश्मा भण्डारी<br />
पुनम चन्द<br />
सलिना श्रेष्ठ (लिब्रो)</p>
प्रतिक्रिया दिनुहोस्
.jpg)
