गोविन्दा आइपुगे नेपाल
<p>काठमाडौं। बलिउड अभिनेता गोविन्दा नेपाल आइपुगेका छन्।</p>
<p>२१ कात्तिकबाट वीरगञ्जमा हुन लागेको ‘नेपाल चलचित्र स्वर्णिम महोत्सव’ मा सहभागी हुन गोविन्दा आफ्नी श्रीमती सुनीतासहित आज नेपाल आइपुगेका हुन्।</p>
<p>उनकी श्रीमती सुनीता आहुजा नेपाली मूलकी हुन्।</p>
<p>त्यसैले उनी नेपाललाई आफ्नो ससुराली देश बताउने गर्छन्।</p>
<p>गोविन्दाले २१ कात्तिकमा बिहान वीरगञ्ज पुग्ने र आफ्नो प्रस्तुति दिने चलचित्र निर्माता संघका अध्यक्ष आकाश अधिकारीले जानकारी दिए।</p>
<p>गोविन्दा पछिल्लो समय राजधानीमा भएको ‘एलजी फिल्म अवार्ड’ मा सहभागी हुन नेपाल आएका थिए।</p>
<p>‘नेपाल चलचित्र स्वर्णिम महोत्सव’लाई कात्तिक २१ गते राष्ट्रपति विद्यादेवी भण्डारीले उद्घाटन गरेपछि कार्यक्रम तीन दिनसम्म चल्नेछ।</p>
प्रतिक्रिया दिनुहोस्
.jpg)
