सुकुटे बस दुर्घटनाः सातजनाको सामूहिक दाहसंस्कार
<p>मेलम्ची। अरनिको राजमार्गअन्तर्गत सुकुटेमा भएको बस दुर्घटनामा ज्यान गुमाएकामध्ये सातजनाको आज सामूहिकरूपमा दाहसंस्कार गरिएको छ।</p>
<p>उनीहरूको बाह्रबिसेस्थित भोटेकोशी नदीमा दाहसंस्कार गरिएको हो।</p>
<p>दोलखाको शैलुङ गाउँपालिका–५ काटाकुटीका पाँच, शैलुङ माइत भएकी त्रिपुरासुन्दरी गाउँपालिकाकी एक महिला तथा उनको छोराको यहाँ सामूहिकरूपमा दाहसंस्कार गरिएको हो।</p>
<p>शैलुङ गाउँपालिका–५ का रिकेश खडका, रत्नकुमारी राउत, उनका छोरा किरण, कविता राउत, रञ्जिता केसी, चमेली श्रेष्ठ र उनकी छोरी सायरानीको सामूहिकरूपमा दाहसंस्कार गरिएको शैलुङ गाउँपालिकाका अध्यक्ष भरत दुलालले जानकारी दिए।</p>
<p>उक्त दुर्घटनामा मृत्यु भएका केही यात्रुको भने आफन्त नआएका कारण दाहसंस्कार हुन नसकेको उनले बताए।</p>
<p>अरनिको राजमार्गअन्तर्गत सुकुटेमा १७ कात्तिकमा भएको बस दुर्घटनामा १८ जनाको मृत्यु भएको थियो।</p>
<p>दोलखाको मुडे देउरालीबाट काठमाडौंका लागि छुटेको बा२ख ७२४५ नम्बरको बस सुनकोशी नदीमा खसेको हो।<em> रासस</em></p>
प्रतिक्रिया दिनुहोस्
.jpg)
