वीरगंजमा बालक अपहरण गर्नेलाई गोली हानेर पक्राउ
<p>काठमाडौं। वीरगंजमा १४ वर्षीय बालकको अपहरण गरेर फिरौती लिंदै गर्दा अपहरणकारीलाई प्रहरीले गोली हानेर पक्राउ गरेको छ।</p>
<p>गए राति वीरगञ्जकै सिर्सिया टोलमा भएको सो घटनामा अपहरणमा परेका बालकको सकुशल उद्धार गरिएको जिल्ला प्रहरी कार्यालय, पर्साका प्रवक्ता डीएसपी गौतम थापाले <em>देखापढी</em>लाई बताए। </p>
<p>अपहरणकारीले काभ्रेबाट १४ वर्षिय बालकको अपहरण गरेर वीरगंज पुर्‍याएका थिए। </p>
<p>बालकका अभिभावकसँग फिरौती लिँदै गर्दा पुगेको प्रहरी टोलीलाई पेस्तोल ताकेपछि प्रहरीले एक राउण्ड गोली प्रहार गरेको डीएसपी थापाले जानकारी दिएका छन्।</p>
<p>गोली लागेर घाइते भएका अपहरणकारीको स्थानीय अस्पतालमा उपचार भइरहेको छ।</p>
<p>प्रहरीले अपहरणकारी र बालक दुवैको परिचय खुलाएको छैन।</p>
<p>डीएसपी थापाले भने, "अहिले केहीबेरमा पत्रकार सम्मेलन गरेर घटनाको विस्तृत विवरण सार्वजनिक गर्नेछौं।" </p>
प्रतिक्रिया दिनुहोस्
.jpg)
