अर्घाखाँचीमा कार दुर्घटनामा ३ जनाको मृत्यु, २ यात्रु घाइते
<p>काठमाडौं। अर्घाखाँचीमा कार दुर्घटनामा ३ जनाको मृत्यु भएको छ। दुर्घटनामा अन्य २ जना यात्रु घाइते भएका छन्।</p>
<p>आज बिहान ९ बजे सन्धीखर्क नगरपालिका–६, नरपानीमा बा १७ च ६९१७ नम्बरको निजी कार सडकबाट करीब २ सय मिटर तल खसेको जिल्ला प्रहरी कार्यालय, अर्घाखाँचीका प्रहरी निरीक्षक प्रकाश खत्रीले <em>देखापढी</em>लाई बताए। </p>
<p>दुर्घटनामा ७० वर्षीया दुर्गादेवी खड्का, ४३ वर्षीय भक्तबहादुर खड्का र ४० वर्षीय तिलक खड्काको घटनास्थलमै मृत्यु भएको छ।</p>
<p>कार चालक ४९ वर्षीय गंगाबहादुर खड्का र २८ वर्षका विनोद खड्का घाइते छन्।</p>
<p>उनीहरुलाई स्थानीय स्वास्थ्यसंस्थामा उपचारपश्चात थप उपचारका लागि बुटवल पठाउने तयारी भइरहेको इन्सपेक्टर खत्रीले जानकारी दिएका छन्।</p>
<p>बुटवलबाट सन्धीखर्क जाँदै गरेको कारमा ५ जना सवार थिए।</p>
<p>प्रहरीका अनुसार उनीहरु सबै रुपन्देही सैनामैना नगरपालिका मुर्गीयाका वासिन्दा हुन्। सबै जना एकै परिवारका सदस्यहरु रहेको प्रारम्भिक अनुसन्धानमा खुलेको प्रहरीले जनाएको छ। <br />
</p>
प्रतिक्रिया दिनुहोस्
.jpg)
