बालक अपहरण अपडेट: १ जना अपहरणकारी सार्वजनिक, दुई जना अझै फरार
<p>काठमाडौं। वीरगंजमा गए राति गोली हानेर पक्राउ गरिएका बालकको अपहरणकारीलाई पर्सा प्रहरीले सार्वजनिक गरेको छ।</p>
<p>राति १ः१५ बजे अपहरित बालकका बुवासँग फिरौती लिएर भाग्न खोज्दा पर्सा पोखरीया नगरपालिका- ६ सोनवरीका २० वर्षीय राजकुमार दासलाई नियन्त्रणमा लिन गोली चलाइएको प्रहरीले पत्रकार सम्मेलन गरेर सार्वजनिक गरेको छ। </p>
<p>दाहिने खुट्टामा गोली लागेका दासको नारायणी अस्पतालमा उपचार भइरहेको छ। </p>
<p>अपहरणमा संलग्न अन्य २ जना फरार रहेको जिल्ला प्रहरी कार्यालय, पर्साका प्रवक्ता डीएसपी गौतम थापाले <em>देखापढी</em>लाई बताए।</p>
<p>दासबाट गोली लोड गरिएको कटुवा पेस्तोल १ थान, भारतीय नम्बर प्लेटको मोटरसाइकल १ थान, मोवाइल सेट लगायतका सामान बरामद गरिएको छ।</p>
<p>अपहरणकारीले १० कात्तिकमा वीरगंज नगरपालिका–२५ सिर्सिया घर भई काभ्रेको बनेपा बस्दै आएका अम्जद खानको १४ वर्षीय छोरालाई बनेपाबाट पर्सास्थित घर आउने क्रममा अपहरण गरेका थिए।</p>
<p>प्रहरीका अनुसार उनीहरुले अपहरित बालकको बुवासँग १२ लाख रुपैयाँ फिरौती नदिए बालकको हत्या गर्ने धम्की दिएका थिए। </p>
प्रतिक्रिया दिनुहोस्
.jpg)
