पहिलो दिन एमसीसीले बनायो ३११ रन, नेपालले लियो ६ विकेट
<p>काठमाडौं। नेपाल भ्रमणमा रहेको बेलायतको मेरिलेबोन क्रिकेट क्लब एमसीसीले तीन दिवसीय फस्ट क्लास क्रिकेटको पहिलो दिन ३११ रन बनाएको छ । </p>
<p>टीयू मैदान कीर्तिपुरमा नेपालले टस जितेर फिल्डिङ रोजेपछि एमसीसीले पहिले ब्याटिङ गर्दै ८७ ओभरमा ६ विकेट गुमाएर ३११ रन जोडेको हो। त्यसपछि खराब प्रकाशका कारण ९ ओभरको खेल बाँकी छँदै पहिलो दिनको खेल सकिएको छ। एमसीसीले भाेलि ३११ रनबाट खेल अगाडि बढाउनेछ। </p>
<p>एमसीसीका लागि विल रोड्सले सर्वाधिक ७३ रन बनाए भने विल भान्डेर्सपरले ५३, माइल्स हार्माेन्डले ५२ रन बनाए। </p>
<p>एमसीसीका यासिर अराफात ३५ रनमा नटआउट छन्। </p>
<p>नेपालका लागि सोमपाल कामी, शरद भेषावकर र सन्दीप लामिछानेले २/२ विकेट लिए ।</p>
<p> १४ वर्षपछि नेपालले घरेलु मैदानमा फस्ट क्लास क्रिकेट खेलेको हो । जसमा कप्तान ज्ञानेन्द्र मल्लसहित १० खेलाडीले डेब्यु गरेका छन्। पछिल्लो पटक २००५ मा अन्तरमहादेशिय कप अन्तर्गत यूएईविरुद्ध कीर्तिपुरमा नेपालबाट खेलेका शरद भेषावकर मात्रै टोलीमा छन्।</p>
<p>सोमपाल कामीले २०१५/१६ को सिजनमा श्रीलंकन क्लबबाट फस्ट क्लास क्रिकेट खेलेपनि नेपालको लागि यो पहिलो हो।</p>
<p style="text-align:center"><img alt="" height="768" src="https://www.dekhapadhi.com/storage/photos/shares/Sports/cric_mcc.jpg" width="1307" /></p>
<p> </p>
प्रतिक्रिया दिनुहोस्
.jpg)
