महिला भलिबल टीमको बिदाइ
<p>काठमाडौं। प्रथम एशियन सेन्ट्रल जोन महिला भलिबल च्याम्पियनशिप खेल्न बंगलादेश जाने नेपाली महिला भलिबल टीमको बिदाइ गरिएको छ।</p>
<p>राष्ट्रिय खेलकुद परिषद्का सदस्य सचिव रमेशकुमार सिलवाल र नेपाल भलिबल संघ अध्यक्ष मनोरन्जनरमण शर्माले आज भलिबल टीमलाई बिदाइ गरेका हुन्।</p>
<p>१२ जना खेलाडी, ३ प्रशिक्षक र एक रेफ्रीसहितको टोली भोलि, २१ कात्तिकमा बंगलादेश जानेछ।</p>
<p>च्याम्पियनशिपमा नेपालसहित पाँच राष्ट्रले प्रतिस्पर्धा गर्दैछन्।</p>
<p>२३ देखि २८ कात्तिकसम्म बंगलादेशको ढाकामा हुने च्याम्पियनशिपमा नेपाल, माल्दिभ्स, कीर्गिस्तान र अफगानिस्तानले प्रतिस्पर्धा गर्नेछन्।</p>
<p style="text-align:center"><img alt="" height="322" src="https://www.dekhapadhi.com/storage/photos/shares/Sports/volleyball_toli_nepal_bangladesh.jpg" width="840" /></p>
<p>च्यम्पियनशिपको पहिलो दिन उद्‍घाटन खेलमा कीर्गिस्तान र माल्दिभ्स भिड्नेछन्। त्यही दिन बंगालादेश र अफगानिस्तानबीच पनि खेल हुनेछ।</p>
<p>नेपालले पहिलो खेल २४ कात्तिकमा माल्दिभ्ससँग खेल्नेछ।</p>
<p>च्याम्पियनशिपका खेलहरू राउण्ड रोविनका आधारमा खेलाइनेछ।</p>
<p>लिगमा शीर्ष दुई स्थानमा रहने टीमबीच फाइनल खेल हुनेछ।</p>
<p><strong>पढ्नुहाेस्ः</strong></p>
<p><strong><a href="https://dekhapadhi.com/news/1823" target="_blank">महिला सेन्ट्रल जोन भलिबलमा पाँच राष्ट्रले प्रतिस्पर्धा गर्ने </a></strong></p>
<p> </p>
प्रतिक्रिया दिनुहोस्
.jpg)
