ललितपुरमा अन्तर्राष्ट्रिय सम्पदा सम्मेलनको तयारी
<p>ललितपुर। ललितपुर महानगरपालिकाले सम्पदासम्बन्धी अन्तर्राष्ट्रिय सम्मेलन गर्ने तयारी गरेको छ।</p>
<p>ललितपुर महानगरपालिका मेयर चिरिबाबु महर्जनले जिल्लामा रहेका कला र संस्कृतिहरूको संरक्षण गर्न आवश्यक सुझाव लिने उद्देश्यले सम्पदा सम्मेलन गर्न लागिएको बताए।</p>
<p>ललितपुर सिटीनेट नामक महानगरपालिकाहरूको अन्तर्राष्ट्रियस्तरको नेटवर्कको कार्यकारी सदस्यसमेत हो।</p>
<p>ललितपुर महानगरपालिकाको संयोजनमा ३८औं कार्यकारी समितिको बैठक पनि शुरु भएको छ।</p>
<p>बैठकमा नगर विकासका विभिन्न अवधारणाबारे छलफल भइरहेको पनि मेयर महर्जनले जानकारी दिए।</p>
<p>ललितपुर महानगरपालिका सो नेटवर्कको कार्यसमितिमा निर्वाचित भएपछि त्यसको कार्यकारी समितिको बैठक नेपालमा आयोजना गरिएको हो।</p>
प्रतिक्रिया दिनुहोस्
.jpg)
