यू-१९ नेपाली महिला क्रिकेट टाेली घाेषणा
<p>काठमाडौं। चीनमा हुने बी एन्ड आर यू-१९ महिला क्रिकेट प्रतियाेगिताका लागि नेपाली टोलीको घोषणा गरिएको छ।</p>
<p>राष्ट्रिय टीमबाट खेलिसकेकी डली भट्टकाे कप्तानीमा आज १४ सदस्यीय अन्तिम टाेली सार्वजनिक गरिएकाे हाे।</p>
<p>यस्तै सिनियर टीमबाट खेलिसकेकी कविता कुँवर उपकप्तान छिन्।</p>
<p>यसअघि प्रशिक्षणमा रहेकाे १८ खेलाडीबाट आज १४ सदस्यीय अन्तिम टाेली र ३ वैकल्पिक घाेषणा भएकाे हाे।</p>
<div style="text-align:center">
<figure class="image" style="display:inline-block"><img alt="" height="474" src="https://www.dekhapadhi.com/storage/photos/shares/Sports/dolly_bhatta_captain.jpg" width="840" />
<figcaption>डली भट्ट।</figcaption>
</figure>
</div>
<p>भट्ट र कुँवरसहित कृतिका मरासिनी, इश्वरी बिस्ट, यशाेदा बिस्ट, राजमती ऐरी, लक्ष्मी सावद, खुशी डंगोल, ज्योति दनुवार, निगम तामाङ, शिला क्षेत्री, लक्षिता राजबंशी, गोमा आले र श्रृष्टि पौडेल अन्तिम १४ मा परेका छन्।</p>
<p>पेमा लिम्बु शेर्पा, हेलिसा लामा गुरुङ र मनिषा राना वैकल्पिक खेलाडीका रूपमा छन्।</p>
<p>१८ सदस्यीय प्रशिक्षण टाेलीमा रहेकी रूबी पाेदार विकल्पमा समेत परिनन्।</p>
<p>नेपाली टीम प्रशिक्षकमा कलाम अली छन्।</p>
<p>यस्तै टीम व्यवस्थापकमा अमृता पाैडेल र फिजियाेमा सकुना दानी छन्।</p>
<p>२५ देखि ३० कात्तिकसम्म हुने प्रतियोगितामा नेपालसहित चीन, साउदी अरेबिया, मलेसिया, म्यानमार र थाइल्यान्डले प्रतिस्पर्धा गर्नेछन्।</p>
<p>राउण्ड राेबिनका आधारमा हुने प्रतियाेगितामा नेपालले आफ्नो पहिलो खेल थाइल्यान्डसँग खेल्नेछ।</p>
<p>नेपाली टाेली २२ कात्तिकमा चीन प्रस्थान गर्नेछ।</p>
प्रतिक्रिया दिनुहोस्
.jpg)
