साेमालियामा बाढीका कारण १७ को मृत्यु, चार लाख विस्थापित
<p><br />
साेमालिया। सोमालियामा आएको बाढीका कारण कम्तीमा १७ जनाको मृत्यु भएको छ ।</p>
<p>अधिकारीहरूले आज दिएको जानकारीअनुसार अरू तीन लाख ७० हजारभन्दा बढी स्थानीय बासिन्दा विस्थापित हुनु परेको छ। </p>
<p>राष्ट्रसंघीय अधिकारीहरूले बाढीका कारण सोमालियामा ठूलो जनधनको क्षति भएको भन्दै सहयोगका लागि अपिल पनि गरेका छन्।</p>
<p>राष्ट्रसंघको मानवीय सहायतासम्बन्धी कार्यालयले बाढीबाट पाँच लाख ४७ हजार नागरिक प्रभावित भएको जनाएको छ।</p>
<p>“देशको बेलेट वेयन जिल्लाका मात्रै ४५ हजार ५०० घर परिवारका झण्डै २ लाख ३७ हजार जना विस्थापित भएको अनुमान गरिएको छ,” कार्यालयद्वारा जारी वक्तव्यमा उल्लेख गरिएको छ।</p>
<p>खेतीयोग्य जमिन, भौतिक संरचनाहरू, बाटोहरूलगायत पनि भत्किएर क्षतिग्रस्त भएको अधिकारीहरूले जानकारी दिएका छन्।</p>
<p>“बाढीका कारण हिर्साबेल्ले, जुबल्याण्ड र दक्षिणपश्चिमी राज्यहरू पनि प्रभावित भएका छन्,” राष्ट्रसंघले भनेको छ।</p>
<p>विज्ञ र सरोकारवाला निकायहरूले नोभेम्बर महीनाभरि वर्षा भइरहन सक्ने चेतावनी दिएका छन्।</p>
<p>उनीहरूले रोगको प्रकोप पनि फैलिन सक्ने बताएका छन्।</p>
<p>लगातारको ठूलो वर्षाका कारण नदीमा पानीको सतह बढेर डुबान भएको अधिकारीहरूले जानकारी दिएका छन्।<em> सिन्ह्वा</em></p>
<p> </p>
प्रतिक्रिया दिनुहोस्
.jpg)
