त्रिवि परीक्षा: घरमा लगिएको उत्तरपुस्तिकामा लेखेर पास
<p>काठमाडौं। त्रिभुवन विश्वविद्यालयले परीक्षा दिइसकेका विद्यार्थीसँग घुस लिएर उत्तरपुस्तिका साट्ने गरेको खुलेको छ। </p>
<p>परीक्षा सकिएपछि बाहिर लेखिएको उत्तरपुस्तिका साटेर विद्यार्थीलाई पास गराउने गरिएको छ।</p>
<p>उदयपुरको त्रियुगा जनता बहुमुखी क्याम्पसका प्रशासन सहायक तेजनारायण चौधरी र परीक्षा नियन्त्रण कार्यालय बल्खुका लेखा अधिकृत कमल दाहालले घुस लिएर उदयपुरका दुई छात्रालाई पास गराएका छन्। </p>
<p>यस विषयमाथि अख्तियार दुरुपयोग अनुसन्धान आयोगले छानबीन गरिरहेको आजको नयाँ पत्रिका दैनिकमा समाचार प्रकाशित छ। </p>
<p>त्रियुगाकी विद्यार्थी (क) ले शिक्षा संकाय स्नातक दोस्रो वर्षको करिकुलम एन्ड इभ्यालुएसनको परीक्षा २० असार २०७५ मा दिइन्।</p>
<p>गाईघाटकै बरुवा क्याम्पसकी (ख) ले व्यवस्थापन संकाय स्नातक दोस्रो वर्षको फन्डामेन्टल अफ मार्केटिङको सोही वर्ष १५ साउन र फन्डामेन्टर अफ ह्युमन रिसोर्स म्यानेजमेन्टको १७ साउनमा परीक्ष दिइन्। दुवैको परीक्षा केन्द्र त्रियुगा क्याम्पसमा थियो। <br />
दुवै विद्यार्थीलाई पास गराउन त्रियुगा क्याम्पसका प्रशासन सहायक तेजनारायण चौधरीले पनिकाका लेखा अधिकृत कमल दाहालसँग ‘सेटिङ’ गरी आफ्नै घरमा बोलाएर सक्कली प्रश्नपत्र अनुसार नयाँ उत्तरपुस्तिका उत्तर लेख्न लगाए। </p>
<p>परीक्षा दिइसकेका दुवै छात्राको सक्कली उत्तरपुस्तिका अन्य परीक्षार्थीको उत्तरपुस्तिकासँगै प्याक भएर लाहाछाप लाग्यो।</p>
<p>चौधरीको साथमा रहेको नक्कली उत्तरपुस्तिका चौधरीले नै बल्खुमा ल्याएर दाहालसँग मिलेर सक्कली उत्तरपुस्तिकाको भित्री पाना निकालेर स्टिज गरिदिए।</p>
<p>अहिले चौधरी र दाहाल दुवै जना अख्तियारको हिरासतमा छन्। छात्राहरु भने फरार रहेको अख्तियारले जनाएको छ। <br />
</p>
प्रतिक्रिया दिनुहोस्
.jpg)
