काठमाडाैंकाे विशालबजारबाट २० लाखसहित हुण्डी कारोबारी पक्राउ
<p style="text-align: justify;">काठमाडौं। हुण्डीमार्फत् अवैध कारोबारमा संलग्न एक जना पक्राउ परेका छन्। </p>
<p style="text-align: justify;">स्याङ्जाको कालिगण्डकी गाउँपालिका-५ को ताँप घर भई काठमाडौंको सामाखुसी बस्दै आएका ४० वर्षीय ढुण्डीराज न्यौपाने पक्राउ परेका हुन्।</p>
<p style="text-align: justify;">उनको साथबाट प्रहरीले हुण्डी गरेर पठाउन लागेको १९ लाख ९१ हजार रूपैयाँ बरामद गरेको छ।</p>
<p style="text-align: justify;">महानगरीय अपराध महाशाखाले काठमाडौंको विशालबजार क्षेत्रबाट न्यौपानेलाई पक्राउ गरेको जनाएको छ।</p>
<p style="text-align: justify;">गैरकानुनी रूपमा हुण्डीको कारोबार गरी राजस्व छलि गरिरहेको सूचनाको आधारमा परिचालन भएको महाशाखाको टोलीले पक्राउ गरिएको महाशाखाले जनाएको छ।</p>
<p style="text-align: justify;">थप कारबाहीको लागि राजस्व अनुसन्धान विभाग पठाइने महाशाखाका प्रवक्ता तथा प्रहरी उपरीक्षक ईश्वर कार्कीले जानकारी दिए।</p>
.jpg)
