आप्रवासी कामदारहरूको अधिकारसम्बन्धी अन्तर्राष्ट्रिय सम्मेलन हुने
<p>काठमाडौं। आप्रवासी कामदारहरूको अधिकार संरक्षणसम्बन्धी अन्तर्राष्ट्रिय सम्मेलन नेपालमा आयोजना हुने भएको छ। </p>
<p>राष्ट्रिय मानव अधिकार आयोगले पत्रकार सम्मेलनमार्फत आप्रवासी कामदारहरूको मानव अधिकार रक्षाको लागि २६-२८ कात्तिकमा काठमाडौंमा अन्तर्राष्ट्रिय सम्मेलन आयोजना गर्न लागिएको जानकारी गराएको छ।</p>
<p>सम्मेलनमा आप्रवासी कामदारहरूले काम गरिरहेका मुलुकका सरकारका प्रतिनिधिहरू, राष्ट्रिय मानव अधिकार आयोग, मानव अधिकारको क्षेत्रका अन्तराष्ट्रिय संघ, संस्था र सामाजिक संघ/संस्थाका प्रतिनिधिहरू सहभागि हुने आयोगका सदस्य सुदीप पाठकले बताए।</p>
<p>उपराष्ट्रपति नन्दबहादुर पुनले उद्घाटन गर्ने सो अन्तर्राष्ट्रिय सम्मेलनमा आप्रवासी कामदारहरूको मानव अधिकार संरक्षणसम्बन्धी ५ वटा कार्यपत्र प्रस्तुत गर्ने कार्यक्रम छ।<br />
</p>
प्रतिक्रिया दिनुहोस्
.jpg)
