मानव अधिकार तथा शान्ति समाजद्वारा भारतद्वारा सार्वजनिक नक्साको निन्दा
<p>काठमाडौं। मानव अधिकार तथा शान्ति समाजले नेपाली भूमि समावेश गरेर भारतले सार्वजनिक गरेको नक्साप्रति निन्दा गरेको छ। </p>
<p>समाजका सभापति उत्तम पुडासैनीद्वारा आज जारी विज्ञप्तिमा कालापानी, लिपुलेक लगायतको भूभागलाई भारतीय क्षेत्रका रुपमा चित्रित गरेर नेपाली भूभागमाथि भारतीय अतिक्रमण गरिएको उल्लेख छ।</p>
<p>'नेपालको कालापानी भूमीमाथि भएको भारतीय अतिक्रमणलाई सच्याउनु पर्नेमा पुन: पुरानै गल्ती दोहोर्‍याउँदै त्यस्तो नक्सा प्रकाशित गर्नु दुर्भाग्यपूर्ण छ।' विज्ञप्तिमा भनिएको छ।</p>
<p>समाजले नेपाली भूभाग र नेपाली स्वाभिमानप्रति पूर्ण सम्मान व्यक्त गर्न भारत सरकारलाई आग्रह गरेको छ। <br />
</p>
प्रतिक्रिया दिनुहोस्
.jpg)
