Others

गृहपृष्ठ

तीन दिवसीय क्रिकेटः पहिलो इनिङ्समा नेपाल १५३ रनमै समेटियो काठमाडौं। एमसीसीविरुद्धको तीन दिवसीय क्रिकेटकाे पहिलाे इनिङ्समा नेपाल ४४.४ ओभरमै अल आउट भएको छ। नेपाल १५३ रनमा अलआउट हुँदा सर्वाधिक ३८ रन जोडेका सन्दिप लामिछाने नटआउट रहे। लन्च अगाडि नै ३ विकेट गुमाएको नेपालले पहिलो इनिङ्सको निकै खराब शुरुवात गरेको थियो।  कप्तान ज्ञानेन्द्र मल्ल शुन्य, शरद भेषावकर ४  र राजु रिजाल ८  रनमात्र बनाएर पेवेलियन फर्कंदा बिनोद भन्डारीले ३६ र सोमपाल कामीले २६ रनको योगदान दिएका थिए। २० कात्तिकमा पहिले ब्याटिङ थालेको एमसीसीले आज बिहानसम्ममा १०१.५ ओभर खेल्दै सबै विकेट गुमाएर ३६४ रन जोडेको थियो।  नेपालका लागि करण केसी र सन्दीप लामिछानेले ३–३ विकेट लिएका थिए भने शरद भेषावकर र सोमपाल कामीले पनि २–२ विकेट लिएका थिए। पहिलो इनिङ्समा नेपाल २११ रनले पछि परेको छ । एमसीसीले आजैे दोस्रो इनिङ्स ब्याटिङ गर्ने निर्णय गरेको छ । नेपाल फलो अनमा परे पनि एमसीसीले दोस्रो इनिङ्सको ब्याटिङ शुरू गर्ने निर्णय गरेको हो ।