Others

गृहपृष्ठ

देशभर सामान्य बदली, हिमाली भेगमा हिमपातको सम्भावना काठमाडौं । पश्चिमी वायुको प्रभावले देशभर आंशिकदेखि सामान्य बदली रही उच्च पहाडी र हिमाली भू–भागमा हिमपातको सम्भावना रहेको मौसम पूर्वानुमान महाशाखाले जनाएको छ ।      पश्चिमी वायुको प्रभावसँगै अरब सागरमा उत्पन्न शक्तिशाली चक्रवातको असरका कारण अबको केही दिन वर्षाको साथै हिमपातको सम्भावना रहेको महाशाखाले जनाएको हो ।  महाशाखाका मौसमविद् मीनकुमार अर्यालका अनुसार भोलि, २२ कात्तिकमा पहाडी भागको एक दुई स्थानमा हल्का वर्षा र हिमाली भागमा हिमपातको सम्भावना छ ।  २३ कात्तिकमा पूर्वी र मध्यभागलगायत पश्चिमी पहाडी भागमा आंशिक बदली रही बाँकी भागमा मौसम सामान्यतया सफा रहने मौसम पूर्वनुमान महाशाखाले जनाएको छ ।     महाशाखाको विवरण अनुसार आज काठमाडौं उपत्यकाको न्यूनतम तापक्रम ११ दशमलव २ डिग्री र अधिकतम तापक्रम २४ दशमलव १ डिग्री सेल्सियस छ ।  आज सबैभन्दा कम जुम्लाको न्यूनतम तापक्रम ० दशमलव ५ डिग्री सेल्सियस छ । रासस