अमेरिकाले नेपाललाई निरन्तर सघाउने
<p>काठमाडाैं। अमेरिकाले नेपालको सामाजिक–आर्थिक रूपान्तरणका निम्ति निरन्तर सहयोग गर्ने प्रतिबद्धता व्यक्त गरेको छ।</p>
<p>अर्थमन्त्री युवराज खतिवडासँग आज अर्थ मन्त्रालयमा भएको शिष्टाचार भेटमा अन्तर्राष्ट्रिय विकासका निम्ति अमेरिकी सहयोग नियोग (युएसएआईडी) को एशिया विभागका सहायक प्रशासक ग्लोरिया स्टेलीले त्यस्तो प्रतिबद्धता व्यक्त गरेकी हुन्।</p>
<p>उनले स‌घीयता कार्यान्वयनमा पनि अमेरिकी सहयोग जारी रहने बताइन्।</p>
<p>प्रदेश र स्थानीय तहका सरकारको क्षमता अभिवृद्धिका निम्ति नेपालको विकासका अन्य साझेदारसँगको सहकार्यमा अमेरिकाले सघाउने उनकाे भनाइ छ।</p>
<p>मन्त्री खतिवडाले नेपालको विकास प्रयासमा दशकौँअघिदेखि अमेरिकाले गर्दै आएको सहयोगको सराहना गर्दै सार्वजनिक वित्त व्यवस्थापन प्रणालीलाई सुदृढ तुल्याउन पारदर्शिता र जवाफदेहितामा सरकार केन्द्रित रहेको जानकारी दिए।</p>
<p>नेपालका लागि अमेरिकी राजदूत र्‍यान्डी बेरीले नेपालको विकास प्रयासमा अमेरिकी साझेदारी अझ वृद्धि गर्न आफू क्रियाशील रहेको बताए। <em>रासस</em></p>
प्रतिक्रिया दिनुहोस्
.jpg)
