ठूला नदीमा पानीजहाज सञ्चालनको तयारी
<p>काठमाडौं। सरकारले प्रमुख नदीमा जल यातायात सञ्चालनको तयारी गरेको छ।</p>
<p>पश्चिमको गण्डकी र पूर्वको सप्तकोशी नदीमा जलयातायातको सम्भाव्यता अध्ययन गरी पानी जहाज सञ्चालन गर्ने सरकारको तयारी छ।</p>
<p>यी नदीमा सरकारले यात्रु तथा मालवाहक जहाज सञ्चालनका लागि सम्भाव्यता अध्ययन गर्न लागेको आजको <em>कारोबार</em> दैनिकमा समाचार छ। </p>
<p>सम्भाव्यता अध्ययनका लागि प्राविधिकसहितको टोली नदीमा खटाउन लागिएको नेपाल पानीजहाज कार्यालयका सुचना अधिकारी वल्लभ विष्टले जानकारी दिए।</p>
<p>टोलीले स्थलगत अनुगमन गर्दै जलमार्गको सम्भाव्यता र आगामी दिनको तयारी थाल्ने उनले बताए।</p>
<p>“कार्यालयले प्राविधिकसहितको टोली खटाउने र कार्यालयलाई प्राप्त प्रतिवेदनको आधारमा जलमार्गको मर्मत तथा पोर्ट निर्माण गरिनेछ,” विष्टले भने। </p>
<p>भौतिक पूर्वाधार तथा यातायात मन्त्रालयले पानी जहाज कार्यालय गत वर्षदेखि नै सञ्चालनमा ल्याएको छ। सहसचिव नेतृत्वको समितिले कार्यविधिसहितको मस्यौदा तयार पार्ने छ। </p>
<p><br />
</p>
प्रतिक्रिया दिनुहोस्
.jpg)
