एमसीसीविरूद्धको तीन दिवसीय खेलमा नेपाल २०८ रनले पराजित
<p>काठमाडौं। बेलायतको मेरिलेबोन क्रिकेट क्लब (एमसीसी)सँगको तीन दिवसीय खेलमा नेपाल २०८ रनले पराजित भएको छ। </p>
<p>टीयू क्रिकेट मैदान कीर्तिपुरमा आज ३९३ रनको लक्ष्य पाएको नेपाल ४०.३ ओभरमा १८४ रनम बनाउँदै अलआउट भयो। </p>
<p>नेपालका लागि सोमपाल कामीले सर्वाधिक ५१ रन बनाए। राजु रिजालले ३१ तथा सन्दीप लामिछानेले २५ रनको योगदान गरे।</p>
<p>नेपालका दीपेन्द्रसिंह ऐरी, विनोद भण्डारी र पन सर्राफ शून्य रनमा आउट भए।</p>
<p>यसैगरी कप्तान ज्ञानेन्द्र मल्ल ६, शदर भेषावकर १५, आरिफ शेख १९ र करण केसी १८ रनमा आउट भए। </p>
<p>एमसीसीका लागि ओलिभर हानोल डल्बीले पाँच विकेट लिए।<br />
एमसीसीले पहिलो इनिङ्समा ३६४ रन बनाएको थियो भने नेपालले पहिलो इनिङ्समा १५३ रन बनायो। </p>
<p>एमसीसीले दोस्रो इनिङ्समा ६ विकेट गुमाएर १८१ रन बनाउँदै इनिङ्स समाप्तिको घोषणा गरेको छ। </p>
<p><br />
</p>
प्रतिक्रिया दिनुहोस्
.jpg)
