नम्बर प्लेटमा लेखियाे- 'लिपुलेक हाम्राे हाे'
<p>कैलाली। भारतले यही साता जारी गरेको नयाँ राजनीतिक नक्शामा नेपाली भू-भाग समावेश गरेपछि सुदूरपश्चिमका युवाले नयाँ शैलीले विरोध प्रदर्शन गरेका छन्।</p>
<p>मोटरसाइकलको नम्बर प्लेटमा ‘लिपुलेक, कालापानी हाम्रो भूमि हो’ लेखेर विरोध जनाएका हुन्।</p>
<p style="text-align:center"><img alt="" height="587" src="https://www.dekhapadhi.com/storage/photos/shares/Social/helmet_kalapani.jpg" width="840" /></p>
<p>यस्ता नारा लेखिएका मोटरसाइकल लिएर सुदूरपश्चिमका युवा कैलालीको धनगढी, अत्तरियालगायत क्षेत्रमा निस्किएका छन्।</p>
<p>लिपुलेक, कालापनीलगायतको नेपाली भूमिमा भारतले वर्षौंदेखि कब्जा जमाएको छ।</p>
<p>यही साता जारी गरेको राजनीतिक नक्शमा यी भूमि भारतमै पारिएको छ।</p>
<p>नेपालमा त्यसको चौतर्फी विरोध भइरहेको छ।</p>
<p>राजनीतिक दल, बुद्धिजीवी, नागरिक समाज तथा सीमा विज्ञहरूले कूटनीतिक पहल थाल्न सरकारको ध्यानाकर्षण गराइरहेका छन्।</p>
<p>परराष्ट्र मन्त्रालयले विज्ञप्ति सार्वजनिक गरेर कालापानी नेपालको भूमि भएको जनाएको छ भने भारतको विदेश मन्त्रालयका प्रवक्ता रवीश कुमारले उक्त क्षेत्र विवादित भूमि भएको बताएका थिए।</p>
प्रतिक्रिया दिनुहोस्
.jpg)
