यू-१९ महिला क्रिकेट टाेली चीन प्रस्थान
<p>काठमाडौं। चीनको साङ्‍घाइमा हुने बी एण्ड आर यू-१९ महिला क्रिकेट प्रतियाेगितामा प्रतिस्पर्धा गर्न नेपाली यू-१९ महिला टाेली चीन गएकाे छ।</p>
<p>डली भट्टकाे कप्तानीमा रहेकाे नेपाली टाेली आज चीन प्रस्थान गरेकाे हाे।</p>
<p>टाेलीलाई नेपाल क्रिकेट संघका सचिव अशोकनाथ प्याकुरेललगायतले बिदाइ गरे।</p>
<p>२५ देखि ३० कात्तिकसम्म हुने प्रतियोगितामा नेपालसहित चीन, साउदी अरेबिया, मलेसिया, म्यानमार र थाइल्यान्डले प्रतिस्पर्धा गर्नेछन्।</p>
<p>नेपालले पहिलो खेल २८ कात्तिकमा थाइल्यान्डसँग खेल्नेछ।</p>
<p>डलीसँगै सिनियर टीममा खेलिसकेकी कविता कुँवर उपकप्तानको भूमिकामा छिन्।</p>
<p>टीममा कृतिका मरासिनी, इश्वरी बिष्ट, यशाेदा बिष्ट, राजमती ऐरी, लक्ष्मी सावद, खुशी डंगोल, ज्योति दनुवार, निगम तामाङ, शिला क्षेत्री, लक्षिता राजवंशी, गोमा आले, र श्रृष्टि पौडेल अन्तिम १४ मा परेका छन्।</p>
<p>पेमा लिम्बु शेर्पा, हेलिसा लामा गुरुङ र मनिषा राना वैकल्पिक खेलाडीमा रूपमा छन्।</p>
<p>नेपाली टीमकाे प्रशिक्षकमा कलाम अलि छन्।</p>
प्रतिक्रिया दिनुहोस्
.jpg)
