बंगलादेशका राष्ट्रपति २६ कात्तिकमा नेपाल आउने
<p>काठमाडौ‌ं। बंगलादेशका राष्ट्रपति अब्दुल हमिद चारदिने भ्रमणका लागि नेपाल आउने भएका छन्।</p>
<p>२६ कात्तिकबाट २९ कात्तिकसम्म बंगलादेशका राष्ट्रपति हमिदले नेपाल भ्रमण गर्न लागेको परराष्ट्र मन्त्रालयले जानाएको छ।</p>
<p>राष्ट्रपति विद्यादेवी भण्डारीको औपचारिक निमन्त्रणामा हमिदले नेपाल भ्रमण गर्न लागेका हुन्।</p>
<p>चारदिने नेपाल भ्रमणका क्रममा बंगलादेशका राष्ट्रपति हमिदले नेपालका राष्ट्रपति विद्यादेवी भण्डारीसँग शिष्टचार भेटवार्ता गर्नेछन्।</p>
<p>त्यस्तै उप–राष्ट्रपति नन्दबहादुर पुन, प्रधानमन्त्री केपी शर्मा ओली र राष्ट्रियसभाका अध्यक्ष गणेशप्रसाद तिमल्सिनासँग पनि भेटवार्ता गर्ने कार्यक्रम छ।</p>
<p>चारदिने नेपाल बसाइँका क्रममा बंगलादेशका राष्ट्रपति हमिदले पोरखा र काठमाडौंका पुरातात्विक स्थलहरूको समेत भ्रमण गर्ने कार्यक्रम रहेको परराष्ट्र मन्त्रालयले जारी गरेको विज्ञप्तिमा जनाइएको छ।</p>
प्रतिक्रिया दिनुहोस्
.jpg)
