बाँकेमा ट्र्याक्टर र मोटरसाइकल ठोक्किँदा दुईजनाकाे मृत्यु
<p>बाँके। ट्र्याक्टर र मोटरसाइकल ठोक्किँदा बाँकेको फत्तेपुरमा दुईजनाको मृत्यु भएको छ।</p>
<p>मृतक दाजुभाइका छोरा रहेको प्रहरीले जनाएको छ।</p>
<p>गयराति २ बजे ट्रयाक्टरको ठक्करबाट मोटरसाइकलमा सवार २४ वर्षीय सुमनकुमार थारु र १५ वर्षीय सञ्जीव धम्लहवाको मृत्यु भएको हो।</p>
<p>राप्ती सोनारी गाउँपालिका–७, फत्तेपुरस्थित राधाकृष्ण मन्दिर चोक नजिकै भे १ त २९०१ नम्बरको ट्र्याक्टर र म २ प ७०३४ नम्बरको मोटरसाइकल ठोक्किएको प्रहरीले जनाएको छ।</p>
<p>इलाका प्रहरी कार्यालय भोजभगवानपुरका प्रहरी निरीक्षक मानबहादुर बिसीका अनुसार घाइतेलाई उपचारका लागि नेपालगन्ज मेडिकल कलेजमा ल्याउँदै गर्दा दुवैजनाको मृत्यु भएको थियो।</p>
<p>ट्र्याक्टरका चालक फरार छन्। <em>रासस</em></p>
प्रतिक्रिया दिनुहोस्
.jpg)
