हिउँ चितुवाको छालासहित तीनजना पक्राउ
<p>धनुषा। सशस्त्र प्रहरीले भातरत लैजाँदै गरेको हिउँ चितुवाको छालासहित धनुषामा तीनजनालाई पक्राउ गरेको छ।</p>
<p>धनुषाको धनौजी गाँउपालिका–२ बाट २२ कात्तिकमा सशस्त्र प्रहरीले हिउँ चितुवाको करीब साढे सात फिटको छालासहित तीनजनालाई पक्राउ गरेको हो।</p>
<p>पक्राउ पर्नेमा धनुषाको थिरेश्वरनाथ नगरपालिका–५ महेन्द्रनगर बस्ने २८ बर्षीय सुनिल ढुंगेल, ३९ बर्षीय शिवकुमार महतो र धनौजी गाँउपालिका–४ बस्ने ३६ बर्षीय जयराम मण्डल छन्।</p>
<p>उनीहरूलाई सशस्त्र प्रहरी बल, नेपाल नम्बर ८ गण हेक्वा धनुषाबाट खटिएको सशस्त्र प्रहरीको टोलीले पक्राउ गरेको सशस्त्र प्रहरी समाचार कक्षका डीएसपी अजय छतकुलीले जनाएका छन्। <br />
पक्राउ परेका तीनैजनालाई बरामद छालासहित आवश्यक कारवाहीको लागि डिभिजन वन कार्यालय जनकपुरमा बुझाइएको डीएसपी छतकुलीले बताए। <br />
</p>
प्रतिक्रिया दिनुहोस्
.jpg)
