करेन्ट लागेर युवकको मृत्यु
<p>नवलपरासी। पूर्वनवलपुरको गैँडाकोट नगरपालिकामा करेन्ट लागेर एक जनाको मृत्यु भएको छ।</p>
<p>करेन्ट लागेर मध्यविन्दु नगरपालिका–६, बस्ने २४ वर्षीय मतिराम महतो थारूको मृत्यु भएको हो।</p>
<p>आज गैँडाकोट नगरपालिका–१०, नमूना चोकस्थित भित्री सडकखण्डमा पराल बोकेको ट्रकमाथि बसेका मतिरामलाई करेन्ट लागेको हो। </p>
<p>ना२ख ९०७८ नं.को पराल बोकेको ट्रकमाथि बसेका मतिरामलाई बिजुलीको तारले छुँदा करेन्ट लागेको थियो। </p>
<p>करेन्ट लागेर गम्भीर घाइते भएका मतिरामलाई उपचारका लागि अस्पतालतर्फ लैजाँदै गर्दा बाटोमा नै ज्यान गएको जिल्ला प्रहरी कार्यालय नवलपरासी पूर्वका प्रहरी नायब उपरीक्षक अर्जुन रानाभाटले जानकारी दिए।<em>–रासस</em></p>
प्रतिक्रिया दिनुहोस्
.jpg)
