भरुवा बन्दुकसहित ४ जना पक्राउ
<p>बागलुङ। बागलुङमा भरुवा बन्दुकसहित चार जना पक्राउ परेका छन्। </p>
<p>२३ कात्तिकमा काठेखोला गाउँपालिका-५ बिहुँबाट प्रहरीले उनीहरूलाई पक्राउ गरेको हो। </p>
<p>पक्राउ पर्नेमा काठेखोला गाउँपालिका-५ का तिलक विक, रमेश घर्ती, खगेन्द्र घर्ती र जगत घर्ती रहेको प्रहरी नायब उपरीक्षक झविन्द्र भट्टराईले बताए।</p>
<p>चारै जनालाई हिरासतमा लिएर प्रहरीले अनुसन्धान शुरू गरेको जनाएको छ। </p>
<p>प्रहरीका अनुसार उनीहरूको साथबाट एकनाले बन्दुक र सोही बन्दुकमा प्रयोग हुने छर्रा बरामद गरिएको छ। <em>रासस</em> <br />
</p>
प्रतिक्रिया दिनुहोस्
.jpg)
