स्कुटर दुर्घटनामा चालकको मृत्यु
<p>चितवन। भरतपुर महानगरपालिका-७ तेह्रसालचोकमा आज बिहान करीब ४ बजे ना ५९ प ३३७० नम्बरको स्कुटर अनियन्त्रित भई पल्टिँदा चालकको मृत्यु भएको छ।</p>
<p>स्कुटरमा पछाडि सवार एक जना गम्भीर घाइते भएका छन्। </p>
<p>मृत्यु हुनेमा भरतपुर महानगरपालिका-११ का २६ वर्षीय सुवास तामाङ रहेको जिल्ला प्रहरी कार्यालय, चितवनले जनाएको छ।</p>
<p>दुर्घटनामा रत्ननगर नगरपालिका-६ की २० वर्षीया पुजा सुनार घाइते भएकी छन्।</p>
<p>दुर्घटनामा घाइते भएका तामाङको उपचारका क्रममा भरतपुर अस्पतालमा मृत्यु भएको हो।</p>
<p>घाइतेको चितवन मेडिकल कलेजमा उपचार भइरहेको छ।</p>
<p>गीतानगरबाट भरतपुरतर्फ आउँदै गर्दा स्कुटर तेह्रसालचोकमा अनियन्त्रित भई पल्टिएको थियो।<em>रासस</em></p>
प्रतिक्रिया दिनुहोस्
.jpg)
