ठगीमा मुछिएका सुदूरपश्चिमका मन्त्रीको राजीनामा
<p>कैलाली। सुदूरपश्चिम प्रदेश सरकारका उद्योग, पर्यटन, वन तथा वातावरण राज्यमन्त्री प्रकाश रावलले पदबाट राजीनामा दिएका छन्।</p>
<p>उनले मुख्यमन्त्री त्रिलोचन भट्टलाई आज राजीनामा बुझाएका हुन्। मुख्यमन्त्रीका स्वकीय सचिव शिवसिंह ओलीले रावलको राजीनामा स्वीकृत भइसकेको<em> देखापढी</em>लाई बताए। </p>
<p>रावल कञ्चनपुरस्थित जनज्योती एजुकेशन फाउण्डेशनकाे शेयर विक्रीमा मुछिएका थिए। उनी क्याम्पसका शेयर सदस्य तथा सञ्चालक समिति सदस्य थिए।</p>
<p>शेयर विक्रि प्रकरणमा सबै सञ्चालकहरूविरुद्ध अख्तियार दुरूपयोग अुनसन्धान आयोगमा उजुरी परेको थियो।</p>
<p>यो प्रकरण ठगी मुद्धामा पुगेपछि कञ्चनपुर जिल्ला अदालतले रावलविरुद्ध पक्राउ पूर्जी जारी गरेको थियो। तर, त्यहीबीच उनी राज्यमन्त्री बनेका थिए। </p>
<p>रावल कञ्चनपुरको निर्वाचन क्षेत्र नम्बर ३ ‘क’ बाट निर्वाचित नेकपाका प्रदेशसभा सदस्य हुन्। </p>
प्रतिक्रिया दिनुहोस्
.jpg)
