लिबियाले फर्कायाे २०० अवैध आप्रवासी
<p>लिबिया। लिबियाको पूर्वी शहर बेंगाजीस्थित अध्यागमन विभागले झण्डै २०० जना अवैध आप्रवासीलाई इजिप्ट फर्काइएको जनाएको छ।</p>
<p>विभागका अनुसार फर्काइएका अवैध आप्रवासीमध्ये १९४ जना इजिप्टका नागरिक थिए।</p>
<p>आधिकारिक कागजात नभएका उनीहरूमा संक्रामक रोग समेत देखिएको थियो।</p>
<p>अन्तर्राष्ट्रिय आप्रवास संगठनले हालैमात्र लिबियामा ६ लाख ५० हजार अवैध आप्रवासी रहेका र तीमध्ये करिब ६०० जनालाई थुनामा राखिएको जनाएको छ।</p>
<p>थुनामा राखिएकामा महिला र बालबालिका पनि छन्।</p>
<p>युरोप प्रवेश गर्न चाहने हजारौं आप्रवासी लिबियाको मार्ग प्रयोग गर्दछन्।</p>
<p>यी अवैध आप्रवासीमध्ये अधिकांश अफ्रिकी मूलका व्यक्तिहरू रहने गरेका छन्।</p>
<p>तर, लिबियामा जारी असुरक्षा र अव्यवस्थाका कारण आप्रवासीमाथि आक्रमण पनि हुने गरेको छ।</p>
<p>अवैध आप्रवासीलाई राख्‍न बनाइएका अस्थायी शिविर पनि खचाखच भरिएका छन्।</p>
<p>सन् २०११ मा लिबियाका नेता महमर गद्दाफीको शासन पतन भएपछि लिबियामा सुरक्षा व्यवस्था नाजुक छ। <em>(रासस-सिन्ह्वा)</em></p>
प्रतिक्रिया दिनुहोस्
.jpg)
