पाकिस्तान ब्याडमिन्टन सिरिज: रत्न र दीपेशको जोडी पनि फाइनलमा पराजित
<p>काठमाडौं। रत्‍नजित तामाङ र दीपेश धामीको जोडीले योनेक्स सनराइज पाकिस्तान इन्टरनेशनल ब्याडमिन्टन सिरिजमा रजत जितेका छन्।</p>
<p>आज भएको मेन्स डबल्सको फाइनलमा थाइ जोडीसँग पराजित भएपछि याे जाेडीले रजतमा चित्त बुझाउनु परेकाे हाे।</p>
<p>पाकिस्तान स्पोर्टस् कम्प्लेक्समा भएको फाइनलमा रत्‍न र दीपेशको जोडी थाइल्यान्डका प्राड टङश्रीरनपिफन र अपिचासिट तेराविवतकाे जाेडीसँग २-० ले पराजित भयाे।</p>
<p>पहिलो सेटमा रत्‍न र दीपेशले उत्कृष्ट प्रदर्शन गरे पनि २४-२६ ले पराजित भए।</p>
<p>दाेस्रो सेट २१-१४ ले नेपाललाई सहजै जित्दै थाइ जोडीले स्वर्ण जितेको हो।</p>
<p>यसअघि आजै भएको मिक्स डबल्समा दीपेश र अमिता गिरीको जोडी फाइनलमा माल्दिभ्ससँग पराजित हुँदै रजत जितेका थिए।</p>
<p> </p>
प्रतिक्रिया दिनुहोस्
.jpg)
