Others

गृहपृष्ठ

नेप्सेकाे ओरालो यात्रा काठमाडाैं। धितोपत्र बजारमा शेयर कारोबार मापक नेप्से परिसूचक झिनो अंकले घटेको छ। साताको पहिलो दिन नै नेप्सेले ओरालो यात्रा तय गरेको हो। नेपाल स्टक एक्सचेञ्&zwj;जका अनुसार नेप्से ०.१८ विन्दुले घटेर एक हजार १३१.८० विन्दुमा झरेको छ। यस्तै सेन्सेटिभ परिसूचक भने झिनो अ&zwnj;ंकले सुधार भएको छ। सेन्सेटिभ परिसूचक ०.६९ विन्दुले बढेर २४९.०१ मा पुगेको छ। नेप्से ओरालो लागे पनि कारोबार रकममा भने अपेक्षित सुधार देखिएको छ। कूल १६३ कम्पनीको १० लाख आठ हजार ८०९ कित्ता शेयर २९ करोड ३१ लाख ४९ हजार ४४ रूपैयाँ मूल्यमा खरीद बिक्री भए। स्टकका अनुसार कारोबार भएका कूल ११ उपसमूहमध्ये आज पाँच उपसमूहको शेयर ओरालो लागेको छ भने ६ उपसमूहको शेयर भने बढेको छ। बैंकिङ ०.२६, होटल १५.०१, विकास बैंक २.१५, जलविद्युत् ७.२, जीवन बीमा ३९.३७ र सामूहिक लगानी कोष ०.११ विन्दुले घटेको छ। यस्तै वित्त ०.६८, निर्जीवन बीमा २.८३, उत्पादन ९.६७, अन्य ५.६८ र लघुवित्त ४.०१ विन्दुले बढेको छ। स्टकका अनुसार कारोबारका आधारमा एनएमबी बैंक शीर्ष स्थानमा छ। सो बैंकको शेयर कूल पाँच करोड ७४ लाख ३१ हजार ७१९ मा कारोबार भयो। यस्तै प्रभु बैंक दुई करोड ७५ लाख ४७ हजार ८३२ रूपैयाँ, नेपाल बैंक दुई करोड ११ लाख १४ हजार ९९०, माछापुच्छ्रे बैंक एक करोड १३ लाख ५५ हजार १३०, एनआइसी एशिया बैंक एक करोड सात लाख ९२ हजार ८६ र नबिल बैंकको शेयर ७६ लाख ७४ हजार ४४१ रूपैयाँ मूल्यमा खरीद बिक्री भई शीर्ष स्थानमा रहे। कारोबारका आधारमा आज सपोर्ट माइक्रोफाइनान्स वित्तीय संस्थाका शेयरधनीले ४.४६ प्रतिशतले कमाउँदा युनियन हाइड्रो पावर ३.८५, खानीखोला हाइड्रोपावर ३.७०, स्वदेशी लघुवित्त वित्तीय संस्था २.९०, गुर्खाज फाइनान्सका लगानीकर्ताले २.७३ प्रतिशतले गुमाए। त्यस्तै रैराङ हाइड्रो पावर ४.८०, तारागाउँ रिजेन्सी होटल ३.५५, सिन्धु विकास बैंक ३.१७, पाँचथर पावर ३.१२ र अरुण काबेली पावरका लगानीकर्ताले ३.१० प्रतिशतले गुमाए। रासस