बाँकेमा चितुवाको आक्रमणबाट महिलाको मृत्यु
<p>बाँके। चितुवाले आक्रमण गर्दा बाँकेमा एक महिलाको आज मृत्यु भएको छ।</p>
<p>आज बिहान घाँस काट्न जंगल गएकी कोहलपुर–१३ की ७५ वर्षीया काली बस्नेतको मृत्यु भएको हो।</p>
<p>चितुवाले बायाँ खुट्टा, टाउकोे र कम्मरको भाग खाएको अवस्थामा मनकामना मध्यवर्ती सामुदायिक वनमा बस्नेतको शव फेला परेको कोहलपुर प्रहरीले जनाएको छ।</p>
<p>सो क्षेत्रमा यसअघि पनि चितुवाले आक्रमण गर्ने गरेको इलाका प्रहरी कार्यालय कोहलपुरका प्रहरी निरीक्षक सन्तोष रोकाले जानकारी दिए ।</p>
<p>“स्थानीयका अनुसार सो क्षेत्रमा यसअघि पनि चितुवाले मानिसलाई आक्रमण गर्ने गरेको थियो,” रोकाले भने, “घटनाको प्रकृति हेर्दा चितुवाले आक्रमण गरेको देखिन्छ।”</p>
<p> </p>
प्रतिक्रिया दिनुहोस्
.jpg)
