प्रिमियर लिगमा लिभरपुल र म्यानसिटी भिड्दै
<p>इङ्लिस प्रिमियर लिग अन्तर्गत आज राति उपाधिका दाबेदार प्रमुख दुई टोली लिभरपुल र म्यानचेस्टर सिटी एकापसमा भिड्दैछन्।</p>
<p>लिभरपुलको घरेलु मैदान एन्फिल्डमा राति सवा दश बजे शुरू हुने यो खेल जारी सिजनको लिग उपाधिका लागि समेत महत्वपूर्ण हुनेछ।</p>
<p>साविक विजेता म्यानचेस्टर सिटीले गत सिजनमा लिभरपुललाई झिनो अन्तरले उपाधिबाट पाखा लगाएको थियो।</p>
<p>यसपालि ११ खेल सकिँदा लिभरपुल सुदृढ अवस्थामा छ । लिभरपुलले ३१ अंक जोडेको छ भने सिटीको २५ अंक छ।</p>
<p>आजको खेलमा लिभरपुलले जित हात पारेमा सिटीका लागि उपाधि रक्षा थप कठिन हुनेछ। सिटीले जित हात पारेमा उसले लिभरपुलसँगको दूरी जम्मा ३ अंकमा झार्न सफल हुनेछ।</p>
<p>लिभरपुल र सिटी दुवैलाई पूर्वविजेताहरु लेस्टर सिटी र चेल्सीले पनि चुनौती दिइरहेका छन्। लेस्टर र चेल्सी दुवैको २६ अंक छ । तर, उनीहररूले लिभरपुल र म्यानसिटीभन्दा एक खेल बढी खेलेका छन्।</p>
प्रतिक्रिया दिनुहोस्
.jpg)
