राष्ट्रपतिद्वारा फाल्गुनन्द जयन्तीको शुभकामना
<p>काठमाडौं। राष्ट्रपति विद्यादेवी भण्डारीले फाल्गुनन्दको प्रेरणादायी उपदेश र मार्गदर्शनलाई परिपालन गर्न सके सामाजिक तथा सांस्कृतिक विविधताबीच सहिष्णुता र सद्भाव कायम गर्दै राष्ट्रिय एकता सवल बनाउन सकिने बताएकी छन्।</p>
<p>किराँत धर्मावलम्बीहरूका महागुरु फाल्गुनन्दको जयन्तीको अवसरमा शुभकामना सन्देश दिँदै राष्ट्रपति भण्डारीले फाल्गुनन्दले किराँत धर्म र संस्कृतिमा महत्वपूर्ण योगदान पुर्‍याएकोमा उच्च कदर गर्दै सरकारले उनलाई राष्ट्रिय विभूति घोषणा गरेको उल्लेख गरेकी छन्। </p>
<p><img alt="" height="1321" src="https://www.dekhapadhi.com/storage/photos/shares/Politics/falgunanda suvakamana by pressident.jpg" width="960" /></p>
<p>‘राष्ट्रिय विभूतिको पवित्र जन्मजयन्तीको दिनमा हामी सबैमा एक आपसमा सहिष्णुता, सद्भाव, अहिंसा एवं समाज सुधारको महान अभियानमा लाग्ने प्रेरणा मिलोस्,’ राष्ट्रपतिको शुभकामना सन्देशमा भनिएको छ। <br />
</p>
प्रतिक्रिया दिनुहोस्
.jpg)
