यू-१९ च्यालेन्जर्स सिरिजः नेपाल १० विकेटले पराजित
<p>काठमाडौं। बीसीसीआईको आयोजनामा आजदेखि भारतमा शुरू भएको यू–१९ वानडे च्यालेन्जर्स ट्रफी अन्तर्गत पहिलो खेलमा नेपाल यू–१९ ए १० विकेटले पारजित भएको छ।</p>
<p>आज भएको खेलमा नेपाली टोली भारतको यू–१९ सी अर्थात भारत यल्लोसँग १० विकेटले पराजित भएको हो।</p>
<p>नेपालले दिएको ११७ रनको लक्ष्य भारतले २१.१ ओभरमा कुनै विकेट नगुमाई पूरा गरेको हो।</p>
<p>भारतका लागि ओपनर अर्जन ए अजादले नटबउट ६७ रन बनाए। अर्का ओपनर दिव्यान्स अजय कुमार सक्सेनाले नटआउट ५२ रन बनाए। </p>
<p>त्यसअघि खेलमा टस जितेर पहिले ब्याटिङ गरेको नेपालले कमजोर प्रदर्शन गर्दै ११६ रनमै अलआउट भयो। ५० ओभरको खेलमा ३२.१ ओभर खेल्दै नेपालले सबै विकेट गुमाएको हो।</p>
<p>नेपालको लागि कुशल मल्लले सर्वाधिक २६ रन बनाउँदा शेर मल्ले १४ र अरुण ऐरीले १३ रन जोडे। प्रतिस जिसीले ११ रन बनाए भने लोकेश बहादुर बम र खडक बहादुर बोहराले समान १० रन जोडे।<br />
खराब शुरूआत गरेको नेपालले शुरूआत देखि नै विकेट गुमाउँदा सम्हालिएर खेल्न सकेन। </p>
<p>बलिङमा भारत यू१९ ‘सी’ को लागि चिनत्ला रक्षन रेड्डी, विद्याधर सोमासेखर पाटिल, शुभङ समर्थ हेग्ड़े, मुज्ताबा युसुफ र रभी रोशन राम एकबाल सिंहले २२ विकेट लिए।<br />
</p>
प्रतिक्रिया दिनुहोस्
.jpg)
