दुई किलो कोकिनसहित विदेशी नागरिक पक्राउ
<p>काठमाडौं। लागुऔषध नियन्त्रण व्युरो काठमाडौंले दुई किलो १०० ग्राम लागुऔषध कोकिनसहित विदेशी नागरिकलाई पक्राउ गरेको छ।</p>
<p>त्रिभुवन विमानस्थलबाट ब्राजिलका ६१ वर्षीय सर्जियो ट्रस ओगावालाई व्युरोले पक्राउ गरेको हो।</p>
<p>व्युरोका अनुसार उनले ल्याएको सुटकेशमा सेतोकालो रंगको कागजले बेरेर ‘फल्सबटम’ बनाई प्लाष्टिकभित्र लुकाएर कोकिन ल्याएका थिए।</p>
<p>लामो समयको निगरानीपछि उनलाई पक्राउ गर्न सफल भएको व्युरोको भनाइ छ।</p>
<p>उनलाई लागुऔषध नियन्त्रण ऐन, २०३३ बमोजिम मुद्दा दर्ता गरी अनुसन्धान भइरहेको व्यूरोले जनाएको छ।</p>
प्रतिक्रिया दिनुहोस्
.jpg)
