घुम्न गएका युवायुवतीलाई अपहरण गरी अश्लील भिडिओ बनाइयाे
<p>काठमाडौं। घुम्न निस्केका युवायुवतीलाई अपहरण गरेका तीनजनालाई दाङ प्रहरीले हवाई फायर गरी नियन्त्रणमा लिएको छ।</p>
<p>२३ कात्तिकमा दाङको तुलसीपुर–३, खमारीथित चमेरे गुफा घुमेर फर्कंदै गरेका एक युवा र एक युवतीलाई सोही ठाउँका बिमल वली, नवीन नेपाली र दुजबहादुर खत्रीले अपहरण गरेका थिए।</p>
<p>उनीहरूलाई अपहरण गरेपछि कुटपिट गरिएकाे र डरत्रास देखाएर अश्लीलता प्रकट हुने गरी मोबाइलबाट भिडिओ बनाइएकाे प्रहरीले जनाएकाे छ।</p>
<p>मोबाइल, पर्स लगायत युवायुवतीसँग भएका अन्य सामग्री लुटेपछि थप पाँच लाख रूपैयाँ नदिए भिडिओ सामाजिक सञ्जालमा पोष्ट गरिदिने धम्की उनीहरूले दिएका थिए।</p>
<p>आज बिहान करीब साढे ७ बजे इलाका प्रहरी कार्यालय तुलसीपुरबाट खटिएको प्रहरी टोलीले घटनामा संलग्न तीनैजनालाई नियन्त्रणमा लिएको छ।</p>
<p>दाङ प्रहरीले विज्ञप्ति प्रकाशित गरी पक्राउ गर्न खोज्दा भागेका उनीहरूलाई दुई राउण्ड हवाई फायर गरी नियन्त्रणमा लिइएको जनाएको छ।</p>
<p>पक्राउ परेका तीनै जनालाई जिल्ला प्रहरी कार्यालयमा ल्याई थप अनुसन्धान भइरहेको जिल्ला प्रहरी कार्यालयका प्रवक्ता विनोदविक्रम शाहले जनाएका छन्।</p>
<p style="text-align:center"><img alt="" height="834" src="https://www.dekhapadhi.com/storage/photos/shares/Crime/press_statement_kidnap_dang.jpg" width="840" /></p>
<p> </p>
<p> </p>
प्रतिक्रिया दिनुहोस्
.jpg)
