बि एण्ड आर यू-१९ महिला क्रिकेट: नेपाल थाइल्याण्डसँग पराजित
<p>काठमाडौं। चीनमा आजदेखि शुरु भएको बि एण्ड आर यू-१९ महिला क्रिकेटको पहिलो खेलमा नेपाल पराजित भएको छ।</p>
<p>सांघाईमा भएको खेलमा नेपाल थाइल्याण्डसँग २९ रनले पराजित भएको हो।</p>
<p>टस जितेर पहिले ब्याटिङ गरेको थाइल्याण्ड १८.४ ओभरमा ९१ रनमा अलआउट भएको थियो।</p>
<p>९२ रनको लक्ष्य पछ्याएको नेपाल १८.२ ओभर खेल्दै ६२ रनमै अलआउट भयो।</p>
<p>खेलमा दुवै टीमले अतिरिक्त रन धेरै दिएका थिए। तर, नेपालले थाइ इनिङ्समा २८ रन अतिरिक्त दिएको थियो।</p>
<p>प्रशिक्षक कलाम अलिले पनि नेपालले धेरै अतिरिक्त रन दिनु नै गल्ती भएको <em>देखापढी</em>लाई बताए।</p>
<p>साथै धेरै खेलाडीकाे पहिलो अन्तर्राष्ट्रिय खेल भएकाले नर्भस भएको उनकाे भनाइ छ।</p>
<p>थाइल्याण्डका लागि ओपनर नानानतले सर्वाधिक २९ रन बनाएकी थिइन्।</p>
<p>नेपालका लागि बलिङमा कृतिका मरासिनी र खुशी डंगोलले ३-३ विकेट लिए।</p>
<p>यस्तै लक्ष्मी साउदले २ विकेट लिइन्।</p>
<p>नेपालका लागि ब्याटिङमा राजमती ऐरीले सर्वाधिक १२ रन बनाइन् भने लक्ष्मी साउदले १० रन जोडिन्।</p>
<p>बाँकी खेलाडीले दोहोरो अंकमा रन जोड्न सकेनन्।</p>
<p>नेपालले थाई बलरबाट अतिरिक्त रनको रूपमा १७ रन पाएको थियो।</p>
<p>नेपाललाई अलआउट गर्न थाइल्याण्डका लागि अरित्साताले सर्वाधिक ३ विकेट लिइन्। यस्तै थिपात्दना र सुरिदाले २-२ विकेट लिए।</p>
<p><span class="_5yl5"><span>नेपालले अब २७ कात्तिकमा चीनसँग खेल्नेछ</span></span>।</p>
प्रतिक्रिया दिनुहोस्
.jpg)
