इजरायली सुरक्षाकर्मीको गोली लागेर एक प्यालेस्टिनीकाे मृत्यु
<p>इजरायल। दक्षिणी स्वेस्ट ब्याङ्कमा आज इजरायली सुरक्षाकर्मीद्वारा एक प्यालेस्टिनी नागरिक मारिएका छन्।</p>
<p>प्यालेष्टिनीले गरेको प्रदर्शनका क्रममा दुई पक्षबीच झडप हुँदा अरु कैयौं घाइते पनि भएको अधिकारीहरूले जनाएका छन्।</p>
<p>प्यालेस्टिनी स्वास्थ्य मन्त्रालयका अधिकारीहरूले दिएको जानकारीअनुसार अल अरुब शरणार्थी शिविरमा इजरायली सुरक्षाकर्मीहरूले चलाएको गोली लागेर एक प्यालेस्टिनीको मृत्यु भएको हो।</p>
<p>गोली लागेर गम्भीर घाइते भएका युवालाई उपचारका लागि तत्कालै अस्पताल लगिए पनि चिकित्सकहरुले उनलाई तत्काल मृत घोषित गरेका थिए।</p>
<p>इजरायली सैनिकहरूले प्रहार गरेको अश्रुग्याँसका कारण धेरै प्रदर्शनकारी घाइते तथा बिरामी भएको बताइएको छ। </p>
<p>घाइतेमध्ये केहीको अवस्था गम्भीर रहेको र केहीको अवस्था स्थिर रहेको अधिकारीहरूले जानकारी दिएका छन्। <em>(रासस/सिन्ह्वा)</em></p>
प्रतिक्रिया दिनुहोस्
.jpg)
